Actualización do sistema de información xeográfica do Camiño Inglés
Con motivo deste encargo por parte da Deputación da Coruña, o noso equipo ven de rematar o traballo de campo para o recoñecemento do estado actual do Camiño Inglés a Santiago.
Durante estas intensas xornadas de traballo, recorremos os tramos das dúas variantes do Camiño que parten de A Coruña e de Ferrol cara Santiago de Compostela, recollendo datos para actualizar a identificación de problemas e oportunidades atopados no itinerario dende unha perspectiva de seguridade, accesibilidade e medio.
Mediante o uso do Sistema de Información Xeográfica creado para tal efecto, disporase dunha base de datos áxil e ordenada que permitirá á administración recoñecer o estado no que se atopa o Camiño Inglés e tomar as medidas correctoras que se estimen precisas. Do mesmo modo, tamén facilitará a continua actualización dos datos, posibilitando a súa utilización como unha ferramenta de xestión.
