Ámbito de actuación: Camiño Inglés
Cliente: Deputación da Coruña
Temática: Consultaría. Camiño de Santiago.
Descrición:
Os cambios producidos nos últimos anos no trazado do Camiño Inglés e a súa xestión, levaron a Deputación de A Coruña a promover o traballo “Avaliación e Diagnose do Estado Actual do Camiño Inglés”, desenvolvido por Crecente Asociados entre outubro do 2018 e xaneiro do 2019.
Para a execución dos traballos tomouse como referencia o proxecto previo Accións de Mellora do Camiño Inglés, impulsado pola Deputación de A Coruña e a Axencia de Turismo de Galicia en 2014 e elaborado tamén por Crecente Asociados.
Actualizouse o informe do Estado Actual elaborado en 2014, para o que o noso equipo volveu a percorrer o Camiño Inglés, nas súas dúas variantes (a que comeza en Ferrol e a que comeza na Coruña), comprobando a vixencia das problemáticas e oportunidades detectadas naquela ocasión e engadindo outras novas.
Ademais, mantivéronse entrevistas con diversos axentes públicos e privados e organizouse unha mesa de participación á que se convidou a todas as entidades que asistiron ás mesas organizadas en 2014. O obxectivo era recompilar información sobre os cambios que apreciaron dende entón as persoas que día a día traballan e viven no Camiño.
Sobre a base destes traballos, expuxéronse unha serie de propostas de actuación, entre as que salientan as orientadas a resolver os problemas máis urxentes que presenta fisicamente o Camiño Inglés (cruces perigosos e núcleos) e as que se centran no reforzo de aqueles aspectos que singularizan a ruta, como é o caso da conexión marítima.
