Conferencia do Deán da Catedral de Santiago, D. Segundo Pérez, en San Martiño de Mondoñedo (Foz)
O 2 de novembro, o Deán da Catedral de Santiago, D. Segundo Pérez, impartiu a conferencia "San Martiño en San Martiño" no salón de actos do centro de interpretación de San Martiño de Mondoñedo (Foz).
A sesión, organizada por Crecente Asociados, é a cuarta do ciclo de conferencias desenvolvido co obxectivo de profundar na historia do monumento desde diversas ópticas. Nesta ocasión D. Segundo Pérez falounos de San Rosendo e sobre as figuras de San Martín de Tours e San Martiño de Dumio, e a súa conexión coa advocación do templo da parroquia.
O venres 30 de novembro ás 18:00 h está prevista unha nova presentación, a cargo do arquitecto Ignacio López de Rego.