Conferencia final do proxecto The European Spa
Financiado pola iniciativa Humanities in the European Research Area ( HERA), o proxecto The European Spa as a Transnational Public Space and Social Metaphor (www.theeuropeanspa.eu/) investiga como o balneario europeo, coas súas características instalacións (como o Kurpark, o gran hotel ou o sanatorio), tense convertido nun xenuíno espazo público transnacional.
Tras traballar no proxecto desde maio de 2019, a conferencia académica final celebrouse en Pula / Brijuni Island (Croacia) do 2 ao 4 de xuño de 2022. Mario Crecente, como presidente do Comité Científico da European Historic Thermal Towns Association participou no evento para presentar o caso de EHTTA.
Durante a súa intervención, Mario falou especialmente do proxecto estrela do Comité Científico de EHTTA, the Thermal Heritage of Europe Atlas, e da serie de eventos que organiza anualmente o Comité Científico, como son o Día Europeo do Patrimonio Termal ou o Café de Europa. Ademais, presentou o Congreso Internacional de Turismo Termal que se celebrará en Ourense os días 27 e 28 de setembro: https://thethermalcongress.com/
Felicitamos aos anfitrións pola marabillosa organización do evento, así como aos relatores e alumnos polo seu gran traballo.