Novas > Conferencia no I Seminario Roman Roads in Europe

Conferencia no I Seminario Roman Roads in Europe

Entre o 16 e o 18 de setembro, o Museu de Arqueologia D. Diogo de Sousa de Braga acolleu a celebración do I Seminario “Roman Roads in Europe”, froito dun acordo entre a Asociación Roman Roads in Europe / Iter Romanum, a Unidade de Arqueoloxía da Universidade do Minho, a Fundación Bracara Augusta e a Câmara Municipal de Braga.

Durante os 3 días que durou o Seminario diversos expertos profundaron no estado actual da investigación arredor da rede viaria romana, debateron sobre as estratexias de conservación e  divulgación e presentaron casos de innovación e boas prácticas na difusión do Patrimonio Arqueolóxico.

Mario Crecente, Vicepresidente do Comité Científico da European Historic Thermal Towns Association (EHTTA), participou na sesión “Asociacionismo: Promoción e Protección”. A través da súa conferencia, titulada “Camiños Termais de Europa, presentou as liñas de investigación e divulgación que se impulsan desde a EHTTA para valorizar as orixes romanas de moitas cidades termais europeas.

En cumprimento da Lei 34/2002, de Servizos da Sociedade da Información, lembrámoslle que este sitio web utiliza cookies co fin de mellorar os nosos servizos.

Aceptar Notas legais