Conmemoración dos 800 anos de historia da Catedral de Mondoñedo
Crecente Asociados coordinou o ciclo de conferencias organizado pola Diocese de Mondoñedo-Ferrol con motivo da conmemoración dos 800 anos de historia da Catedral de Asunción. Para esta efeméride tómase como referencia o inicio do pontificado do bispo Martín I (1219), prelado que trasladou definitivamente a sede episcopal a Mondoñedo e que se considera o gran impulsor da construción da Catedral.
O ciclo de conferencias programado, cun total de 13 sesións, estendíase orixinalmente de novembro de 2019 a maio de 2020, aínda que a aparición de COVID-19 obrigou a reprogramar a última parte das sesións. Actualmente estamos pendentes de anunciar as datas das sesións previstas en Viveiro, Vilalba e Xubia.
Mentres tanto, recompiláronse os artigos que, a partir dos contidos das conferencias, servirán para editar un especial da revista Estudos Mindionenses. A publicación xa se atopa en fase de deseño e maquetación, polo que esperamos anunciar novas ao respecto proximamente.