Coordinación do formulario para a candidatura á Lista do Patrimonio Mundial de UNESCO de Ribeira Sacra
Ámbito de actuación: Ribeira Sacra
Cliente: Dirección Xeral do Patrimonio Cultural da Xunta de Galicia
Temática: Consultaría. Patrimonio Mundial.
A coordinación e recollida da información necesaria para a redacción do formulario de candidatura de Ribeira Sacra a Patrimonio Mundial foi encargada a Crecente Asociados pola Dirección Xeral do Patrimonio Cultural da Xunta de Galicia en setembro de 2018.
A elaboración do Formulario seguiu as bases das Directrices Operativas da UNESCO para aplicar a Convención para a salvagarda do Patrimonio Mundial Cultural e Natural.
O seu desenvolvemento, coa colaboración de Ana Goy Diz como directora científica, nutriuse dos estudos desenvoltos por expertos de diversos ámbitos ao longo dos últimos anos; do material planimétrico e documental elaborado tanto por Crecente Asociados como pola propia Dirección Xeral do Patrimonio Cultural; e dun amplo proceso participativo.
O Consello de Patrimonio Histórico Español, reunido no Parador de Santo Estevo os días 4 e 5 de Abril de 2019, aprobou por unanimidade a Ribeira Sacra como nova candidatura española á Lista do Patrimonio Mundial, que será presentada ante a UNESCO en febreiro de 2020 e avaliada en 2021.
Culmina así un traballo que comezou en 1996 coa inscrición da Ribeira Sacra na Lista Indicativa do Patrimonio Mundial e que se nutriu dun amplo traballo de investigación e participación, tendo como un dos seus principais fitos a declaración deste territorio como Ben de Interese Cultural na Categoría de Paisaxe Cultural en decembro de 2018.
