Entrevista sobre a candidatura de Ribeira Sacra a Patrimonio Mundial para Cadena Ser
O 8 de decembro de 2019, Mario Crecente, coordinador da candidatura de Ribeira Sacra a Patrimonio Mundial, concedeu unha entrevista a Luis Iglesias, para o programa A vivir Galicia da Cadena Ser.
Neste audio está dispoñible o contido da mesma, no que se fai un repaso sobre o proceso seguido ata acadar a aprobación da candidatura por parte do Consello do Patrimonio Histórico Español e enuméranse os próximos pasos a seguir antes de coñecer a decisión final de UNESCO.
Na entrevista expóñense os criterios que xustifican o Valor Universal Extraordinario de Ribeira Sacra e faise referencia á fortaleza que supón a súa actual protección natural, cultural e paisaxística. A entrevista remata cunha reflexión sobre como evolucionou Ribeira Sacra desde 1996, ano ao que se remonta a orixe da candidatura.
