European Cultural Heritage Summit "Sharing Heritage, Sharing Values"
Mario Crecente, como vicepresidente da Asociación Europea de Cidades Históricas Termais (EHTTA), asistiu ao European Cultural Heritage Summit, celebrado en Berlín entre o 18 e o 24 de xuño.
O evento, considerado como un dos actos clave do Ano Europeo do Patrimonio Cultural 2018, tivo como obxectivo promover unha ambiciosa Axenda Europea e un Plan de Acción para o Patrimonio Cultural. Un amplo número de representantes de institucións da UE, Estados membros e organizacións da sociedade civil de toda Europa estiveron presentes no encontro.
Ademais doutros actos, como a feira de excelencia patrimonial ou a cerimonia do Premio da UE para o Patrimonio Cultural / Premios Europa Nostra 2018, presentouse o "Berlin Call to action, Cultural Heritage for the Future of Europe”. Este documento alenta os "Estados membros, rexións e cidades en Europa a continuar desenvolvendo políticas e plans de acción holísticos e ambiciosos para o patrimonio cultural".