Congreso Europeo do Patrimonio
Do 12 ao 14 de maio, Mario Crecente asistiu ao Congreso do Patrimonio Europeo organizado por Europa Nostra en Turku, a cidade máis antiga de Finlandia.
O evento contou cun programa variado; estruturado en reunións, eventos e visitas culturais. Mario Crecente estivo presente na sesión pública da Asemblea Xeral, dedicada ao Ano Europeo do Patrimonio Cultural 2018 (EYCH2018). Durante esta mesa redonda, os relatores falaron sobre como as autoridades públicas poden contribuír a mobilizar e involucrar aos cidadáns nos obxectivos establecidos con motivo do EYCH2018, poñendo especial énfase no papel das ONG; así como nas rexións e cidades europeas. Ademais, asistiu ao Foro sobre "COMPARTIR PATRIMONIO - Cidadáns partícipes na toma de decisións", organizado por Europa Nostra Finlandia e a Universidade de Turku.
Durante eses días, Mario Crecente, como Vicepresidente do Comité Científico da Asociación Europea de Cidades Termais Históricas, estivo en contacto con diferentes partes interesadas no sector do patrimonio cultural de toda Europa e recompilou datos interesantes para os próximos pasos do Atlas de Patrimonio Termal de Europa.
