futuro para o territorio: Paisaxes Culturais, Xestión Rural e Sistemas de Información Xeográfica
Os días 8 e 9 de novembro, por encargo da Fundación Juana de Vega, Crecente Asociados organizou o Workshop: “Un futuro para o territorio: Paisaxes Culturais, Xestión Rural e Sistemas de Información Xeográfica”.
A estas xornadas, impartidas no Parador de Santo Estevo de Ribas de Sil, acudiron tanto especialistas internacionais como expertos locais. Todos eles con perfís moi distintos co fin de enriquecer o debate e abordar os problemas presentados dende unha perspectiva transversal e multicriterio.
A xestión do medio rural, a despoboación, así como o papel das novas tecnoloxías na protección da paisaxe, foron os temas clave sobre os que se realizaron presentacións, debates, e visitas para unha mellor comprensión do territorio. Compartimos algunhas fotos do evento.
