Novas > Panel Patrimonio no Congreso Internacional de Turismo Termal

Panel Patrimonio no Congreso Internacional de Turismo Termal

No excepcional marco do Teatro Principal de Ourense, o 28 de setembro iniciouse o programa científico do III Congreso Internacional de Turismo Termal que, baixo o subtítulo Sustainable Thermal Destinations for the future, articulouse ao redor dos paneis de Patrimonio, Turismo e Experiencias para reflexionar sobre a posta en valor do patrimonio termal como elemento clave para o desenvolvemento económico sostible.

Tras a conferencia inaugural, a cargo do alcalde da cidade termal ucraína de Truskavets, deu inicio o Panel Patrimonio. Moderado por Mario Crecente, neste panel presentáronse casos concretos de valorización, protección e uso turístico do patrimonio de grandes destinos termais, como son as cidades que integran a rede Great Spa Towns of Europe,  declarada Patrimonio Mundial en 2021; Saratoga Springs (América do Norte); Sidi Harazem (Marrocos), e Huaqing Palace en Xi’an (China).

O intercambio de experiencias permitiu coñecer distintas fórmulas para a revitalización de espazos termais históricos e comparar modelos de posta en valor do patrimonio termal. Compartimos algunhas imaxes tomadas durante o evento.

En cumprimento da Lei 34/2002, de Servizos da Sociedade da Información, lembrámoslle que este sitio web utiliza cookies co fin de mellorar os nosos servizos.

Aceptar Notas legais