Novas > Workshop Internacional de Paisaxe

Workshop Internacional de Paisaxe

Do 2 ó 6 de setembro celebrase en Sober, Lugo, o Workshop Internacional de Paisaxe “Tralas pegadas do Camiño de Inverno nas paisaxes da Ribeira Sacra” organizado pola Fundación Juana de Vega, co apoio do programa O teu Xacobeo e coordinado por Mario Crecente.

Este primeiro seminario centrarase no tramo que vai desde Quiroga a Monforte de Lemos. Sempre tendo presente a importancia da Ribeira Sacra, tanto a nivel paisaxístico, cultural ou natural. Entendendo que o Camiño de Inverno é a entrada natural a Galicia desde a meseta seguindo a canle do Río Sil, un acceso xa utilizado polos peregrinos como alternativa ó Camiño Francés.

O curso distribuirase en visitas, obradoiros e conferencias, con relatores de prestixio no panorama dos Itinerarios Culturais, das Paisaxe Culturais e expertos coñecedores da realidade patrimonial da Ribeira Sacra e do Camiño de Inverno, que ilustrarán ós asistentes aportando a súa perspectiva sobre os Camiños de Santiago ou a Ribeira Sacra.

Os obxectivos do Workshop centraranse en reflexionar sobre a delimitación do Camiño e o seu territorio histórico, imaxinar a valorización e rehabilitación do patrimonio cultural relixioso e civil existente, pensar na mellora de servizos para o peregrino, servindo de potenciador para os produtos locais, ou estudar os ámbitos do recorrido para propoñer criterios de protección e desenvolvemento.

En cumprimento da Lei 34/2002, de Servizos da Sociedade da Información, lembrámoslle que este sitio web utiliza cookies co fin de mellorar os nosos servizos.

Aceptar Notas legais