Xornadas de formación sobre calidade no sector turístico
Por encargo da Asociación Ibérica de Municipios Ribereños del Duero (AIMRD), Crecente Asociados impartiu no mes de xuño as "XORNADAS DE FORMACIÓN SOBRE CALIDADE TURÍSTICA, DENTRO DO PROXECTO 0067_FLUMEN_ DURIUS_2_E, ACOLLIDO Á PRIMEIRA CONVOCATORIA POCTEP" na Casa das Artes de Laguna de Duero (Valladolid).
A acción formativa, cun total de 20 horas estruturadas en 3 sesións, estivo dirixida a responsables políticos e técnicos municipais de turismo dos concellos e oficinas de turismo dependentes deles e de calquera outra administración con competencias en turismo na área de cooperación Norte de Portugal-Castela e León.
As xornadas combinaron contidos teóricos, visitas de campo, obradoiros e presentacións de casos de boas prácticas, tanto desde a perspectiva pública como desde a perspectiva privada. Na segunda xornada, estiveron presentes Gonzalo Gonzalo Pita, tenente de alcalde de Sanxenxo, quen presentou a implantación do SICTED no seu municipio, e Francisco Almuíña, propietario de Casa de Romualdo, quen compartiu a experiencia do seu aloxamento rural no proceso de certificación da marca Q de calidade turística.