A importancia das cidades termais na Europa do século XXI
O venres 22 de Marzo, coincidindo co día mundial da auga, tivo lugar a conferencia “A importancia das Cidades Termais na Europa do século XXI” no Comité das Rexións en Bruxelas, organizada polo “Asociación Europea de Gobernos Locais” (Partenalia) e apoiado pola “Asociación Europea de Cidades Históricas Termais” (EHTTA).
Mario Crecente, asistiu ao evento como vicepresidente do Comité Científico da EHTTA, onde os membros de Partenalia e da EHTTA intercambiaron opinións e debateron acerca da importancia das cidades termais históricas para o desenvolvemento económico e a calidade de vida nas cidades europeas do século XXI.
Durante a súa participación, Mario Crecente fixo referencia a oportunidade que representa o Atlas do Patrimonio Termal en Europa e organizou unha sesión participativa de What’Spa. Mediante esta actividade práctica deseñada polo Comité Científico da EHTTA, todos os asistentes ao encontro reflexionaron sobre o pasado, presente e futuro das cidades termais. Durante os últimos meses esta actividade tamén se levou a cabo en Caldas da Rainha, Madrid, Enghien les Bains e Bath, permitindo recoller información cualitativa sobre a evolución e estado actual do patrimonio termal.