Ámbito de actuación: Sabucedo. A Estrada.
Cliente: Asociación Rapa das Bestas.
Temática: Anteproxecto. Obra nova.
Descrición:
O obxectivo do proxecto para un Centro de Interpretación da Rapa das Bestas en Sabucedo é a posta en valor dos seus recursos, converténdose nun novo atractivo para a conservación do núcleo e do seu patrimonio, e xerando novas dinámicas de emprego e desenvolvemento. A proposta suxire a creación dun centro expositivo con vocación de caixón polivalente adaptable a diferentes usos, e á lóxica evolución dos contidos, das formas e maneiras expositivas. A solución arquitectónica intégrase no espazo existente, enterrando os volumes principais e convertendo as súas cubertas nun paseo miradoiro do conxunto de igrexa, patios e montes, ao tempo que se comunica co Camiño Real a través dos terreos situados na zona sur.
