Conferencia-obradoiro da restauradora Blanca Besteiro en San Martiño de Mondoñedo (Foz)
O venres 27 de xullo, a restauradora Blanca Besteiro impartiu a conferencia-obradoiro RESTAURACIÓN DAS PINTURAS MURAIS DE SAN MARTIÑO" no Centro de Interpretación de San Martiño de Mondoñedo (Foz).
Durante a súa exposición, Blanca fixo un percorrido polos resultados dos traballos de restauración da Basílica de San Martiño, que ela mesma dirixiu, seguido dun obradoiro de reintegración cromática, adaptado tanto a nenos como a adultos.
A sesión foi a segunda do ciclo organizado por Crecente Asociados para afondar na historia do monumento e cuxa próxima xornada, prevista para o 28 de setembro, contará coa participación do arqueólogo Celso Rodríguez Cao.
