Estratexia do Turismo de Galicia: Mesas de traballo (Segunda Rolda)
O pasado 4 de novembro, celebrouse a última das 8 mesas de traballo convocadas no marco do servizo de "asistencia técnica para a identificación dos grandes retos, a estratexia e a proposta de actuación para a elaboración do Plan Estratéxico de Turismo 2017-2020" que Crecente Asociados está prestando ao Cluster de Turismo de Galicia.
Esta segunda sesión, baseada nos resultados obtidos nas primeiras mesas, permitiu que os 8 grupos validaran as conclusións extraídas da primeira rolda e que aportasen novas suxestións.
Para esta ocasión, deseñouse unha metodoloxía que bautizamos como o "bosque do turismo de Galicia", unha forma de articular retos, estratexias y propostas. As conclusións obtidas completaranse cos resultados das entrevistas individuais que estamos realizando e da enquisa en liña.