Futuro do Patrimonio Relixioso: turistas, viaxeiros e peregrinos no Camiño de Santiago
Mario Crecente participou na conferencia internacional bienal sobre o Futuro do Patrimonio Relixioso, que se celebrou do 9 ao 11 de novembro de 2016 en Vicenza. Nesta edición, a conferencia analizou a peregrinaxe dende a súa perspectiva tradicional e moderna baixo o título "Tourists, Travellers and Pilgrims: Encountering Religious Heritage in Today’s Europe" (Turistas, viaxeiros e peregrinos: Encontrarse co patrimonio relixioso na Europa de hoxe).
Durante a súa presentación, Mario Crecente falou sobre os turistas, os viaxeiros e os peregrinos no Camiño de Santiago. Presentou algúns exemplos de xestión (protección, rehabilitación e promoción) do Camiño en Europa, Galicia e Santiago.
Compartimos convosco algunhas imaxe da conferencia, así como un vídeo elaborado para a ocasión que amosa a relación da peregrinaxe coa ética, a experiencia e o contorno.
