Mesa de debate en liña "A Ribeira Sacra, da paisaxe cultural ao recurso turístico"
No marco do seu programa de formación, Turismo de Galicia organiza a mesa de debate en liña "A Ribeira Sacra, da paisaxe cultural ao recurso turístico", dividida en dúas sesións. A primeira celebrouse o pasado 26 de maio baixo o título "Compartindo a Candidatura a Patrimonio Mundial" e serviu para presentar os bens e valores da paisaxe cultural de Ribeira Sacra, incluíndo unha reflexión sobre a importancia dunha boa conservación e dunha xestión eficaz, para rematar cunha referencia ao uso turístico da paisaxe cultural, a cargo de Mario Crecente.
Durante a sesión do día 26 presentouse tamén a versión dixital do formulario de proposta da inscrición da Ribeira Sacra como Patrimonio Mundial, que resume as claves que motivan a candidatura a través dun percorrido pola historia da paisaxe cultural e do seu valor universal excepcional, acompañado de material gráfico, planimétrico e audiovisual. Animámosvos a visitar o enderezo https://candidaturaribeirasacra.gal/
O próximo 30 de xuño terá lugar a segunda sesión da mesa de debate en liña baixo o título específico "Propostas para un manexo sostible", e contará coa participación de xestores e empresarios turísticos da Ribeira Sacra. Neste enlace está dispoñible máis información sobre o programa e os contidos.