Novas > Obras do Plan Director do Parque do Pasatempo

Obras do Plan Director do Parque do Pasatempo

Este mes de maio, Crecente Asociados está a finalizar as obras de urxencia detectadas no plan director do Parque do Pasatempo (Betanzos), desenvolvido por encargo da Consellería de Cultura, Educación, Formación Profesional e Universidades.

Durante a obra realizáronse actuacións en 5 áreas prioritarias para a conservación do parque: hidráulica, xardinería, arqueoloxía, restauración e visitas guiadas, así como informes complementarios para un mellor coñecemento do parque.

Acometéronse melloras na rede hidráulica para canalizar a auga correctamente á rede de saneamento municipal. Retiráronse 5 árbores de gran porte da terraza 3ª que cubrían o león colosal, danaban o muro das viaxes e ameazaban a estabilidade da galería principal subterránea. Levouse a cabo a escavación arqueolóxica no ámbito do estanque dos papas. Consolidáronse 20 elementos artísticos que estaban en mal estado á espera de que se poidan restaurar por completo. E se implementaron in situ materiais de información, axuda e seguridade para comezar a recibir visitantes ás obras do parque.

En cumprimento da Lei 34/2002, de Servizos da Sociedade da Información, lembrámoslle que este sitio web utiliza cookies co fin de mellorar os nosos servizos.

Aceptar Notas legais