Ámbito de actuación: Castelo de Soutomaior
Cliente: Deputación Provincial de Pontevedra.
Temática: Planificación. Xestión Turística.
Descrición:
Por encargo da Deputación de Pontevedra, entre abril e xuño de 2014 Crecente Asociados desenvolveu o Plan de Uso e Xestión do Castelo de Soutomaior.
O Plan promove a posta en valor dos diversos recursos patrimoniais asociados ao Castelo: naturais, culturais e inmateriais, o conxunto da finca de Soutomaior, e o seu entorno, co obxectivo da súa dinamización turística e cultural, tendo en conta a tódolos axentes implicados.
Para o seu desenvolvemento, partiuse dunha análise do Concello de Soutomaior, inventariando e avaliando o seu patrimonio cultural e natural e a oferta e servizos turísticos. Posteriormente, estudouse a fondo o conxunto da Finca do Castelo, analizando a súa evolución histórica, arquitectónica e botánica, así como o planeamento, a xestión e os resultados en termos de visitas turísticas.
Diagnosticada a situación do Castelo, e tomando como a apoio o estudo de casos doutros castelos turísticos, o Plan formula unha serie de propostas organizadas en torno ás seguinte liñas estratéxicas:
- Acesos e Accesibilidade
- Atención ao visitante
- Instalacións e mantemento
- Servizos turísticos
- Usos turísticos e culturais
- Xestión interna
- Financiamento