Presentación do proxecto piloto do Atlas Termal de Europa
O 19 de outubro, a Asociación Europea de Cidades Históricas Termais (EHTTA) celebrou a súa Asemblea xeral en Salsomaggiore Terme. Mario Crecente presentou o proxecto piloto do Atlas Termal de Europa ante os representantes das cidades balneario membros.
Durante a súa presentación, Mario Crecente referiuse en participar ao patrimonio termal abandonado de Europa, definido como "calquera edificio ou complexo de edificios utilizado tradicionalmente para fines médicos onde se empregaba auga mineral natural para beber, bañarse ou calquera outro tipo de tratamento". O equipo de Crecente Asociados elaborou un inventario deste tipo de patrimonio en España e na República Checa, clasificando os recursos en catro categorías: abandonado ou en ruínas, desaparecido, outros usos ou N/A.
Ademais, durante a Asemblea xeral, deuse a coñecer a inclusión da Provincia de Ourense como "membro asociado" da EHTTA. Dende Crecente Asociados, queremos felicitar a esta Provincia Termal e desexarlles o maior dos éxitos nesta nova fase.
