Revisión do Plan Estratéxico de Turismo de Santiago 2009-2015.
Ámbito de actuación: Santiago de Compostela
Cliente: Concello de Santiago de Compostela.
Temática: Planificación. Avaliación de indicadores. Ordenación do turismo.
Descrición:
Por encargo do Concello de Santiago de Compostela, entre setembro e decembro de 2016 Crecente Asociados levou a cabo a revisión do Plan Estratéxico de Turismo de Santiago 2009-2015.
A análise dos resultados iniciouse coa elaboración dun estudo dos datos estatísticos sobre turismo, en termos de oferta e de demanda, que permitiu detectar as tendencias do sector e diagnosticar o estado da capacidade de carga e de acollida da cidade. En paralelo, abriuse un proceso participativo para recoller o coñecemento e experiencia dos diversos axentes en contacto directo co turismo e coas medidas desenvolvidas nos últimos tempos.
Ademais, estudáronse outras iniciativas en marcha, tanto a nivel local como a nivel autonómico, velando pola integración e a maximización de sinerxías e realizouse unha aproximación ao grao de cumprimento das propostas formuladas no plan anterior.
Finalmente, realizouse unha primeira aproximación ás liñas estratéxicas e ás propostas de actuación a desenvolver para chegar ao Ano Santo 2021 cun modelo de destino turístico sostible desde o punto de vista ambiental, urbanístico, social, cultural e económico.
O informe resultante é, por tanto, o punto de partida para a futura definición das estratexias e actuacións que rexerán a política turística no período 2017-2021 e que permitirían dar resposta ás debilidades detectadas e deseñar accións en torno ás oportunidades que presenta a cidade.