Conferencia do deseñador Pepe Barro en San Martiño de Mondoñedo (Foz)
O venres 28 de decembro, o deseñador Pepe Barro impartiu a conferencia " Contos de San Martiño " no salón de actos do centro de interpretación de San Martiño de Mondoñedo (Foz).
Pepe Barro falou sobre a simboloxía que rodea a basílica e como esta constitúe a base para a creación da imaxe gráfica do centro de interpretación.
A sesión foi a última do ciclo de conferencias organizado por Crecente Asociados, para profundar na historia do monumento desde diversos ámbitos de estudo.
